काठमाडौँ । नेकपा एकीकृत समाजवादीको अध्यक्ष पदको दाबीबाट सम्मानित नेता झलनाथ खनाल पछि हटेका छन् । जसको विचार उसैको नेतृत्व भन्दै आएका खनाल महाधिवेशनको सम्मुखमा आएर घनश्याम भुसाललाई साथ दिंदै अध्यक्षको दाबीबाट पछि हटेका हुन् ।
अध्यक्षमा माधवकुमार नेपालसहित झलनाथ खनाल र घनश्याम भुसालले अध्यक्षमा दाबी गर्दै आएका भए पनि खनाल पछि हटेसंगै अव अध्यक्ष पदमा दाविगर्ने दुइजना मात्रै रहेका छन् ।
‘दुई नेताका बिचमा सहमतिबाटै अघि बढौँ भन्ने कुराकानी भयो । त्यसक्रममा खनालले भुसाललाई र भुसालले खनाललाई सहयोग गर्न आग्रह गर्नुभयो’, खनाल निवास स्रोतले भन्यो, ‘अन्तिममा खनालले तपाईँलाई अध्यक्षमा मेरो साथ रहन्छ भन्नुभयो र त्यसपछि दुवैजना हात मिलाएर छुट्नुभयो ।’
बुधबार सम्मानित नेता खनालको निवासमा खनाल र भुसालबिच भएको छलफलमा खनालले भुसाललाई साथ दिने सहमति भएको हो ।
प्रतिक्रिया