काठमाडौँ । बागमती प्रदेशका मुख्यमन्त्री शालिकराम जम्कट्टेलले सोमबार विश्वासको मत लिँदै गर्दा एक प्रदेशसभा सदस्य बिदामा बसेकी छन् । हाम्रो नेपाली पार्टीबाट प्रदेशसभा सदस्य रहेकी सरिता खड्की बिदामा बसेकी हुन् ।
उनी सुत्केरी बिदामा बसेकाले मुख्यमन्त्रीले विश्वासको मत लिने प्रयोजनका लागि बोलाइएको बैठकमा सहभागी नहुने निश्चित भएको प्रदेशसभा सचिवालयले जनाएको छ ।
सो पार्टीबाट अर्का सांसद शैलेन्द्रमान बज्राचार्य भने मन्त्री छन् । उनले मुख्यमन्त्रीलाई विश्वासको मत दिने भएपनि अर्की सांसद भने अनुपस्थित हुने भएकी छन् ।
प्रदेशसभा बैठकमा सहभागी हुन एकीकृत समाजवादीकी एक सांसद भने नगएपछि बैठक सुरु हुन ढिलाइ भएको छ । खड्कीका साथै समाजवादीकी रमा आले मगर समेत अनुपस्थित भएमा सत्ता गठबन्धनलाई विश्वासको मतका लागि बहुमत पुग्दैन ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया