काठमाडौं । युभेन्टसका मिडफिल्डर पउल पोग्बामाथि ४ वर्षको प्रतिबन्ध लागेको छ ।
प्रतिबन्धित औषधि प्रयोग गरेको अभियोगमा उनीमाथि फुटबलका कुनै पनि गतिविधिमा संलग्न हुन नपाउने गरी प्रतिबन्ध लागेको हो । उनलाई इटालीको राष्ट्रिय एन्टी डोपिङ ट्रिब्युनल (नाडो) ले प्रतिबन्ध लगाएको हो ।
दोस्रो नमूनामा पनि उनी असफल भएपछि एन्टी डोपिङ अभियोजकको कार्यालयले अधिकतम चार वर्ष निलम्बन अनुरोध गरेको थियो ।
यसअघि सेप्टेम्बरमा भएको एन्टी टोपिङ परीक्षणका क्रममा उनको शरीरमा टेस्टोस्टेरोनको मात्रा बढेको पाइएपछि उनलाई अस्थायी रूपमा निलम्बन गरिएको थियो ।
युभेन्टसको सिजनको पहिलो खेलपछि अगस्ट २० मा र्याण्डम परीक्षण गर्ने क्रममा ३० वर्षीय फ्रान्सेली मिडफिल्डर पोग्बाको एन्टी डोपिङ परीक्षण गरिएको थियो ।
सन् २०११-२०१२ र २०१६-२०२२ मा इंग्लिस क्लब म्यानेचस्टर युनाइटेडबाट खेलेका उनले अरु समय युभेन्टसबाट खेलेका थिए । उनले फ्रान्सको सिनियर टिमबाट ९१ खेल खेल्दै ११ गोल गरेका छन् ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया