काठमाडौँ। भारतमा लोक सभा निर्वाचनको नतिजा सार्वजनिक भइरहेको छ । प्रारम्भिक मत परीणामा अनुसार भारतीय जनता पार्टी (बीजेपी)को सिट घट्ने देखिएपछि शेयर बजारमा त्रास छाएको छ । बीजेपी नेतृत्वको एनडीए गठबन्धनले ४०० भन्दा धेरै सिट जित्ने एक्जिट पोलले देखाएको थियो । तर प्रारम्भिक नतिजाअनुसार एनडीएको अग्रता ३ सय सिटभन्दा तल छ ।
यसैबिच शेयर बजारमा हाहाकार देखिएको छ । मंगलबार एकै दिनमा भारतको प्रमुख शेयर परिसूचक सेन्सेक्स ६ हजार अङ्क भन्दा धेरैले घटेको छ । मध्याह्न १२ः२० मा सेन्सेक्स ६ हजार ९० अङ्कले घटेर ७० हजार ३७४ अङ्कमा आएको थियो ।
बिहानी कारोबारमै सेन्सेक्स १ हजार ७ सय अङ्क घटेर खुलेको थियो । चुनावी मत परिणाम अगाडि आउँदै गर्दा बजार ओरालो लाग्ने क्रम तीव्र बनेको छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया