काठमाडौं। ललितपुरको ग्वार्कोमा मोबिल सङ्कलन गरी राखिएको एक टहरामा आगलागी भएको छ । आगलागीमा परि तिन बालबालिकासहित पाँच जना घाइते भएका प्रहरीले जनाएको छ ।
आगलागीबाट रौतहट जिल्ला घर भई हाल ग्वार्को बस्ने सञ्जय गिरी र रुपा गिरीलगायत ३ वर्षीया प्रीया गिरी, ८ वर्षीया एसीला गिरी, १५ वर्षीया मीत गिरी घाइते भएका छन् ।
घाइतेहरूको ग्वार्कोस्थित किष्ट मेडिकल कलेजमा उपचार भइरहेको छ । मोविलमा आगो सल्कँदा पुरै टहरामा आगलागी भएको अनुमान गरिएको छ ।
प्रतिक्रिया