काठमाडौँ । लागुऔषधसहित कैलालीबाट दुई जना पक्राउ पाएका छन् । कैलालीको गोदावरी नगरपालिका र गौरिगंगा नगरपालिकाका रोशन गुरूङ र कबिन्द्र बखरिया पक्राउ परेका हुन् ।
गोदावरी नगरपालिका- २ का २० वर्षीय रोशन गुरुङको घरबाट १ ग्राम ५ सय ४० मिलिग्राम लागुऔसध फेला परेको प्रहरीले जनाएको छ । रोशनको साथबाट १० हजार नगद पनि फेला परेको इलाका प्रहरी कार्यालय मालाखेतीले जनाएको छ ।
यस्तै, कैलालीकै गौरिगंगा नगरपालिकाका राधेश्याम श्रेष्ठको घरबाट पनि २७ बर्षीय कविन्द्र बखारियाको साथबाट पनि १ ग्राम ८ सय ३० मिलिग्राम लागुऔषध फेलापरेको र उनलाई पक्राउ गरिएको इलाका प्रहरी कार्यालय कैलालीले जनाएको छ ।
कबिन्द्रको साथबाट नगद ३६ हजार र लागूऔषध फेला पारी नियन्त्रणमा लिई आवश्यक कारबाहीको लागि जिल्ला प्रहरी कार्यालय कैलालीमा राखि थप अनुसन्धान भइरहेको प्रहरीले जनाएको छ ।
प्रतिक्रिया