शरीरमा भिटामिन र मिनरल्सको उचित सन्तुलन नहुँदा यसले सम्पूर्ण शरीरमा असर गर्न थाल्छ । खाना खाने बित्तिकै निन्द्रा लाग्न थाल्छ । अझ गर्मीका दिनमा निकै निद्रा लाग्ने गर्छ । तर, दिनभर अल्छी र थकानका अन्य धेरै कारणहरू पनि हुन सक्छन् । शरीरमा केही आवश्यक भिटामिनको कमी भएमा अनिद्रा र अत्यधिक निद्रा जस्ता समस्या निम्त्याउन सक्छ ।
कुन भिटामिनको कमीले निद्रा लाग्छ त ?
भिटामिन- डी
शरीरमा भिटामिन डीको कमीका कारण निद्राको समस्या हुन थाल्छ भन्ने धेरै अनुसन्धानले पत्ता लगाएको छ । भिटामिन डी कम भएको कारणले धेरै थकान, कमजोरी र निद्रा लाग्न सक्छ । भिटामिन डीले शरीरमा क्याल्सियम र फस्फोरसलाई राम्रोसँग अवशोषित गर्न मद्दत गर्छ।
यसले हड्डी दुख्ने समस्यालाई कम गर्छ । यति मात्र होइन, भिटामिन डीले मेटाबोलिजमलाई बलियो बनाउन र रोग प्रतिरोधात्मक क्षमता बढाउन पनि प्रभावकारी रूपमा काम गर्छ।
शरीरमा भिटामिन डी कम हुँदा दुखाइ, मधुमेह, उच्च रक्तचाप जस्ता समस्याको जोखिम बढ्छ । त्यसैले भिटामिन डी युक्त खानेकुराको सेवन गर्ने र बिहान ८ बजे घामको किरण लिनुपर्छ।
भिटामिन- बी १२
जब शरीरमा भिटामिन बी १२ कम हुन थाल्छ, तब अत्यधिक निद्रा लाग्न थाल्छ । भिटामिन बी १२ को कमीले न्यूरोलोजिकल र मानसिक समस्याहरूको जोखिम बढाउँछ। एक अनुसन्धानका अनुसार शरीरमा भिटामिन बी १२ को कमीले धेरै निद्रा लाग्ने गर्छ ।
भिटामिन बी १२ विशेष गरी शाकाहारी मानिसहरूमा कम पाइन्छ । यसका साथै बढ्दो उमेरसँगै भिटामिन बी १२ पनि कम हुन थाल्छ । यसका लागि भिटामिन बी १२ युक्त आहार लिनु आवश्यक छ। आफ्नो आहारमा सोयाबिन, दही, दूध, चीज, ओट्स, दलिया र अण्डा समावेश गर्न सकिन्छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया