काठमाडौं। महोत्तरीकी २३ वर्षीया प्रियंका महतो धनुषाको जनकपुरधाममा जलिरहेको अवस्थामा फेला परेकी छन् । गएराति प्रियंका र अन्दाजी ९ महिने बालिका जलिरहेको अवस्थामा फेला परेका हुन् ।
जलेर मृत्यु भएका महिला र बालिका आमाछोरी हुन सक्ने प्रहरीले अनुमान गरे पनि पुष्टि भने भइसकेको छैन ।
जनकपुरधाम उपमहानगरपालिका-१६ पुलचोकस्थित रेल्वे लिक नजिकै रहेको पोखरीकाे डिलमा बुधबार राति युवतीको शव जलिरहेको अवस्थामा फेला परेको जिल्ला प्रहरी कार्यालय धनुषाका डीएसपी रञ्जन अवाले जानकारी दिए । युवतीको शव नजिकै करिब ९ महिनाकी बालिका पनि जलेको अवस्थामा फेला परेको उनले बताए ।
मृत्यु भएकी महिला महोत्तरीको मनरासिसा नगरपालिका-२ कि २३ वर्षीया प्रियंका महतो रहेको र करिब ९ महिनाकी बालिकाको पहिचान हुन नसकेको जिल्ला प्रहरी कार्यालय धनुषाले जनाएको छ ।
युवती र बालिकाको दुबै शव पोस्टमार्टमका लागि प्रादेशिक अस्पताल जनकपुरमा राखिएको छ । घटनाबारे थप अनुसन्धान भइरहेको प्रहरीले जनाएको छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया