काठमाडौँ। संयुक्त राज्य अमेरिकाको फ्लोरिडा राज्यका गभर्नर रोन डिसेन्टिसले १४ वर्षमुनिका बालबालिकालाई आफ्नै सामाजिक सञ्जाल खाता राख्नबाट प्रतिबन्ध लगाउने विधेयकमा हस्ताक्षर गरेका छन् ।
यो कानूनले सामाजिक सञ्जालमा खाता खोल्नका लागि १४/१५ वर्षका बालबालिकाले अभिभावकको सहमति लिनुपर्ने व्यवस्था गरेको छ ।
यो व्यवस्था अभिभावकलाई आफ्ना बालबालिकालाई सुरक्षित राख्न सहयोगी बन्ने विश्वास गरिएको छ। सन् २०२५ जनवरी १ देखि यो विधेयक कार्यान्वयनमा आउनेछ ।
नयाँ कानूनसँगै अर्कान्सास, क्यालिफोर्निया, लुइजियाना, ओहायो र युटापछि फ्लोरिडा सामाजिक सञ्जा लमा बालबालिकाको पहुँच सीमित गर्ने नियम लागू गर्ने अर्को एक अमेरिकी राज्य बनेको छ ।
सामाजिक सञ्जालमा पहुँचसम्बन्धी यो कानूनले सामाजिक सञ्जालको अत्यधिक प्रयोगले बालबालिकालाई पार्ने नकारात्मक असरलाई रोक्न मद्दत मिल्ने कानूनका जानकारहरूको तर्क छ ।
हालै पारित नयाँ कानूनले अन्य राज्यमा पहिले नै चलिरहेको चुनौतीको जस्तै कानूनी विरोधको सामना गर्न सक्ने विश्वास गरिएको छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया