काठमाडौँ। सामाजिक सञ्जाल फेसबुकको सुरक्षा कमजोरी पत्ता लगाएको भन्दै नेपालका समिप अर्याल पहिलो नम्बरमा परेका छन् ।
फेसबुकको मातृ संस्था मेटाले समीपलाई आफ्नो साइबर सुरक्षा विज्ञको पहिलो नम्बरमा राखेको हो। यसबारे समिपले आफ्नो फेसबुकमार्फत् जानकारी दिएका छन् ।
एक क्लिकमै फेसबुक कब्जा गर्न सक्ने सुरक्षा कमजोरी पत्ता लगाएपछि शुक्रवार मेटाले आफूलाई ह्वाइट ह्याट अर्थात् हल अफ फेमको पहिलो स्थानमा राखेको समीपले बताए ।
यसअघि सन् २०२३ मा पनि अर्याल फेसबुकका सुरक्षा कमजोरी पत्ता लगाएर ह्वाइट ह्याटको शीर्ष २७ औं स्थानमा परेका थिए ।
यस्तै नेपालकै विस्तृत दाहाल ७ औँ स्थानमा परेका छन् भने सन्त बहादुर घर्तीमगर ९ औँ स्थामा परेका छन् ।
प्रतिक्रिया