काठमाण्डाै। हिजो १५ अङ्कले बढेको शेयर बजार आज भने उच्च अङ्कले घटेको छ ।
शेयर बजार परिसूचक नेप्से आज ३०.५६ अङ्कले घटेर २ हजार ७०.५९ विन्दुमा झरेको छ ।
आज सबै समूहको शेयर घटेकोमा बीमा, विकास बैंक, होटल तथा पर्यटन, उत्पादन तथा प्रशोधन, माइक्रोफाइनान्स समूहको शेयर उच्च अङ्कले ओरालो लागेको छ ।
आज गुराँस लघुवित्त कम्पनीको शेयर सबैभन्दा धेरै झन्डै १० प्रतिशतले घटेको छ । समग्रमा बजार घटेको दिन बोटलर्स नेपाल, समाज लघुवित्त र सुपर माई हाइड्रोपावर कम्पनीको शेयरमा सकारात्मक सर्किट लागेको छ ।
आज १ करोड २१ लाख कित्ता शेयर ४ अर्ब ६६ करोड रुपैयाँमा कारोबार भएको छ ।
प्रतिक्रिया