धनगढी । कैलालीमा विद्यार्थीहरुबीच सामूहिक झडप (ग्याङ फाइट) भएको छ ।
गौरीगंगा नगरपालिका-१ गोप्काको पशुपति माध्यमिक विद्यालयमा अध्ययनरत विद्यार्थीबीच सोमबार दिउँसो सामूहिक झडप भएको प्रहरीले जनाएको छ ।
जिल्ला प्रहरी कार्यालयका प्रवक्ता प्रहरी नायब उपरीक्षक(डीएसपी) कुलदिप चन्दले झडपमा संलग्न दुवै पक्षका ८ जनालाई नियन्त्रणमा लिइएको छ ।
उनीहरुको साथबाट खुकुरी र नक बरामद गरिएको चन्दले बताए । प्रहरीले नियन्त्रणमा लिएकाहरु १३ देखि २० वर्षसम्म उमेर समूहका रहेका छन् ।
उनीहरुबीचको झडपको कारण नखुलेको बताउँदै डीएसपी चन्दले चौमाला प्रहरीले नियन्त्रणमा लिएर सोधपुछ गरिरहेको बताए । घटनाबारे थप अनुसन्धान जारी रहेको प्रहरीले जनाएको छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया