• आज :

ताजा अपडेट

ट्रेन्डिङ शिर्षक

  • News Portal

    • आज :
    विजनेश

    सेयर बजारमा उच्च अंकको गिरावट

    1.5K
    SHARES

    काठमाडौँ। साताको दोस्रो कारोबार दिन सोमबार उच्च अंकले नेप्से परिसूचकमा गिरावट आएको छ ।

    पछिल्लो समय सेयरबजार निरन्तर ओरालो लाग्ने क्रम रोकिएको छैन । उपप्रधान तथा अर्थमन्त्री विष्णु पौडेलले अर्थमन्त्रालय सम्हालेसँगै केही लासमतेको सेयरबजार फेरि राताम्मे भएर घट्न थालेको हो ।

    साताको दोस्रो दिन सोमबार ४१.१६ अंकले घटेर २१२७.३७ बिन्दुमा झरेको छ । साताको पहिलो कारोबार आइतबार १४ अंकले घटेको सेयरबजार सोमबार भने झन् ठूलो अंकले घटेको हो ।

    ८८ लाख ३६ हजार ४ सय ८८ कित्ता सेयर किनबेच हुँदा तीन अर्ब ३० करोड २२ लाख १ हजार ८ सय २३ रूपैयाँको कारोबार भएको छ । सोमबार ९ कम्पनीको सेयर बढेको छ भने २०४ कम्पनीको सेयर घटेको छ ।

    आइतबारको तुलनामा सोमबार भने कारोबार रकममा केही वृद्धि भएको छ । नेपाल स्टक एक्सचेन्जका अनुसार सोमबार नेप्सेका तीन वटै उपसूचक घटेका छन् ।

    सेन्सेटिभ सूचक ७.३३ अंक, फ्लोट सूचक २.८६ अंक र सेन्सेटिभ फ्लोट सूचक भने २.५९ अंकले घटेको छ । नेप्सेका १३ वटा उपसूचकमध्ये सोमबार १३ वटै उपसूचक घटेर राताम्मे भए ।

    निर्जीवन बीमा तर्फको सूचक २७०.१३ अंक, होटल तथा पर्यटनतर्फको उपसूचक १२१.९८ अंक, जीवन बिमातर्फको उपसूचक १२१.५४ अंक, विकास बैंकतर्फको उपसूचक ९५.४३ अंकले घटेको छ ।

    साताको पहिलो कारोबारका दिन आइतबार ८२ लाख ७६ हजार ७ सय ५१ कम्पनीको सेयर किनबेच हुँदा तीन अर्ब १ करोड ७० लाख ६३ हजार ९ सय ५६ रूपैयाँको कारोबार भयो । आइतबार नेप्से परिसूचक १४.६८ अंकले घटेर  २१६८.५३ बिन्दुमा झरेको छ ।

      
    सञ्चारकेन्द्र
    [email protected]

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ