काठमाडौं । अमेरिकी राष्ट्रपति डोनाल्ड ट्रम्पले सिरियामाथि लगाएको प्रतिबन्ध हटाउने र साउदी अरेबियासँग १४२ विलियन डलरको हतियार सम्झौताको घोषणा गरेका छन् । रियादमा बोल्दै उनले सिरियाविरुद्धको सबै प्रतिबन्ध हटाउने प्र्तिवद्धता व्यक्त गरेका हुन् ।
मध्यपूर्वको लामो भ्रमणमा निस्किएका उनले साउदी अरेबियाको मुक्तकण्ठले प्रशंसा गरेका छन् । ट्रम्पले भने, ‘अमेरिकाका लागि साउदी भन्दा ठूलो तथा बलियो साझेदार अरु कुनै हुन सक्दैन ।’
आफ्नो अर्थतन्त्रलाई विस्तार गर्न ट्रम्पले खाडी मुलुकको भ्रमण गरेको बताइँदैछ । भ्रमणको पहिलो दिन साउदी अरेबियाले १४२ बिलियन डलरको हतियार सम्झौताको घोषणा गरेको र त्यसमा अन्य सम्झौता थपिएर १ ट्रिलियन डलर पुग्नसक्ने क्राउन प्रिन्सलाई उद्दृत गर्दै बीबीसीले जनाएको छ ।
ट्रम्पले आफ्नो पहिलो कार्यकालका दौरान साउदीलाई पहिलो विदेशी साझेदार बनाएका थिए । उनले यसपछि कतार र युएईलाई पनि प्राथमिकतामा राखेका छन् । साउदीका क्राउन प्रिन्स मोहम्मद बिन सलमानले ट्रम्पसँग शिष्टाचार भेट गरे । ट्रम्पलाई साउदीका राष्ट्रपतिका साथ अरबी घोडा राखेर आर्ड अफ् अनरको सम्मान दिए ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया