काठमाडौँ । बलात्कार मुद्दामा सफाइ पाएसँगै क्रिकेटर सन्दीप लामीछानेलाई विश्वकप खेल्न नेपाल क्रिकेट संघ (क्यान)ले अमेरिका पठाउने भएको छ । अदालतको फैसलासँगै क्यानले टी-२० विश्वकप खेल्न अमेरिका पठाउने विषयमा सहमत भएको हो ।
संघका केन्द्रीय सदस्य दुर्गा पाठकले पदाधिकारीबिच सहमति भएकोले आजै निलम्बन फुकुवा हुने बताए । त्यसपछि प्राविधिक पाटोहरू मिलाएर सन्दीपलाई अमेरिका पठाइने पनि उनले बताएका छन् ।
आईसीसी टी–२० विश्वकप क्रिकेटको नवौँ संस्करण आगामी जुन १ देखि २९ तारिखसम्म अमेरिका र वेस्ट इन्डिजमा संयुक्त रुपमा आयोजना हुँदैछ । विश्वकपमा २० टोलीले सहभागिता जनाउँदै छन् ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया