काठमाडौँ । नेकपा एमालेको सचिवालय बैठक भोलि बस्ने गरी सकिएको छ ।
एमाले अध्यक्ष केपी शर्मा ओलीको निवास गुण्डुमा शुक्रबार झण्डै ६ घण्टा बसेको बैठकमा उपाध्यक्षहरूले बोलेपछि शनिबार बस्ने गरी बैठक सकिएको उपमहासचिव लेखराज भट्टले जानकारी दिए ।
उनका अनुसार बैठक शनिबार ११ः३० बजे पुन: बस्नेछ । बैठकमा आएको सुझावको आधारमा कार्य विभाजनका लागि प्रस्तावित नाम संशोधन हुनसक्ने भट्टले बताए।
अध्यक्ष ओलीले नेताहरूको कार्य विभाजनको प्रस्ताव सोमबारको बैठकमा राखेका थिए । त्यही प्रस्तावका आधारमा नेताहरूले आ–आफ्ना धारणा राखेका हुन्।
तर आजको बैठकमा नेताहरूले चुनावकै बारेमा केन्द्रित भएर बोलेकाले कार्य विभाजनबारे छलफल प्रवेश नै गर्न नपाएको नेताहरूले बताए।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया