काठमाडौँ । सत्तारूढ नेपाली कांग्रेसले सामाजिक सञ्जाल पुन: सञ्चालन गर्नुपर्ने निर्णय गरेको छ।
सभापति शेरबहादुर देउवाको निवास बूढानीलकण्ठमा सोमबार साँझ बसेको पदाधिकारी तथा पूर्वपदाधिकारी बैठकले गत बिहीबार बन्द गरिएका सामाजिक सञ्जाल सरकारले पूर्ववत अवस्थामा चल्न दिने निर्णय गर्नुपर्ने निर्णय गरेको हो।
महामन्त्री विश्वप्रकाश शर्माका अनुसार सामाजिक सञ्जाल पूर्ववत अवस्थामा चल्न दिनुपर्ने निर्णय कांग्रेसले गरेको छ र सभापति शेरबहादुर देउवाले यो निर्णय प्रधानमन्त्री केपी शर्मा ओलीलाई जानकारी समेत गराइसकिएको छ।
सभापति देउवाले प्रधानमन्त्री केपी शर्मा ओलीलाई फोन गरेर सामाजिक सञ्जाल पूर्ववत अवस्थामा चल्न दिने निर्णय गर्न आग्रह गरेका हुन्।
सभापति देउवाले आजकै मन्त्रिपरिषद बैठकबाट सामाजिक सञ्जाल पूर्ववत अवस्थामा चल्न दिने निर्णय लिन प्रधानमन्त्री ओलीलाई आग्रह गरिसकेको महामन्त्री शर्माले जानकारी दिए।
मन्त्रिपरिषदको बैठक अहिले बालुवाटारमा बसिरहेको छ। गत बिहीबार सरकारले नेपालमा दर्ता गर्न नआएका फेसबुकसहित २६ सामाजिक सञ्जाल बन्द गर्ने निर्णय गरेको थियो।
त्यसविरूद्ध र भ्रष्टाचारविरूद्ध जेनजीले काठमाडौं र देशका प्रमुख सहरहरूमा सोमबार प्रदर्शन गरेका थिए। उक्त प्रदर्शनमा काठमाडौं र इटहरीमा गरी अहिलेसम्म १९ जनाको मृत्यु भइसकेको छ।
साथै कांग्रेस बैठकमा गृहमन्त्री रमेश लेखकबारे पनि छलफल भएको छ। केही नेताहरूले गृहमन्त्री लेखकले पदबाट राजीनामा दिनुपर्ने बताइरहेका छन्।
यसबारे कांग्रेसले छलफल गरिरहेको र आजै केही निर्णय लिन सक्ने एक पदाधिकारीले जानकारी दिए। केन्द्रीय सदस्य गोविन्दराज पोखरेलले गृहमन्त्रीको राजीनामा मागेका छन्।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया