वासिङ्टन डिसी । अमेरिकी विदेशमन्त्री मार्को रुबियोले भारतका विदेशमन्त्री एस. जयशंकर र पाकिस्तानी सेना प्रमुख जनरल असीम मुनीरसँग कुरा गरेका छन्।
भारतका विदेशमन्त्री जयशंकरले आफ्नो एक्स अकाउन्टमा मार्को रुबियोसँगको कुराकानीको बारेमा जानकारी दिएका छन् । उनले भने, ‘आज बिहान मैले अमेरिकी विदेशमन्त्री मार्को रुबियोसँग कुराकानी गरेँ। भारतको अडान सधैँ संयम र जिम्मेवार रहेको छ र भविष्यमा पनि यस्तै रहनेछ।’
यससँगै अमेरिकाले जयशंकरसँगको वार्ताबारे विज्ञप्ति जारी गर्दै जानकारी दिएको छ। विज्ञप्तिमा भनिएको छ, ‘अमेरिकी विदेशमन्त्री मार्को रुबियोले भारतीय विदेशमन्त्री एस. जयशंकरसँग कुरा गरेका छन्। विदेशमन्त्री रुबियोले दुवै पक्षले एकअर्कासँग प्रत्यक्ष कुराकानी गर्ने तरिकाहरू खोज्नुपर्नेमा जोड दिएका छन्, ताकि तनाव कम होस् र कुनै भ्रम नहोस्।’
यसका साथै रुबियोले भविष्यमा कुनै पनि विवादबाट बच्न अमेरिकाले दुई देशबिचको वार्तामा मद्दत गर्न सक्ने प्रस्ताव पनि गरे। यसैबिच, अमेरिकाले पाकिस्तानी सेना प्रमुख आसिन मुनीरसँगको वार्ताको बारेमा पनि एक विज्ञप्ति जारी गरेको छ।
विज्ञप्तिमा भनिएको छ, ‘विदेशमन्त्री मार्को रुबियोले आज बिहान पाकिस्तानी सेना प्रमुख आसिन मुनीरसँग कुरा गरे। यस क्रममा उनले दुवै पक्षलाई तनाव कम गर्ने उपायहरू खोज्न अपिल गरेका छन् र भविष्यमा हुने द्वन्द्वबाट बच्न वार्ता सुरु गर्न अमेरिकी सहयोगको प्रस्ताव गरेका छन् ।’
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया