वासिङ्टन । अमेरिकी राष्ट्रपति डोनाल्ड ट्रम्पले तेस्रो पटक राष्ट्रपति चुनाव लड्ने विचार गरिरहेको कुरा अस्वीकार गरेका छन्।
‘म आठ वर्षसम्म राष्ट्रपति रहनेछु, म दुई कार्यकालसम्म राष्ट्रपति रहनेछु। मैले सधैँ यो धेरै महत्त्वपूर्ण छ भन्ने सोचेको छु,’ ट्रम्पले आइतबार एनबीसी टिभी नेटवर्कमा एक अन्तर्वार्तामा भने।
७८ वर्षीय ट्रम्पले यसअघि अमेरिकी राष्ट्रपतिको रूपमा तेस्रो वा चौथो कार्यकालको लागि सेवा गर्ने चाहनाको बारेमा ‘मजाक गरिरहेको छैन’ भनेका थिए। पछि उनले यो भनाइको उद्देश्य ‘फेक समाचार मिडिया’ लाई ट्रोल गर्ने थियो भनेर बताएका थिए ।
उनको कम्पनी, द ट्रम्प अर्गनाइजेसनले ‘ट्रम्प २०२८’ लेखिएका टोपीहरू बेचिरहेको छ, जसले गर्दा जनवरी २०२९ मा आफ्नो दोस्रो कार्यकाल समाप्त भएपछि पनि उनी पदमा रहन खोज्न सक्छन् भन्ने अनुमानलाई बढवा दिइरहेको छ।
शुक्रबार फ्लोरिडास्थित आफ्नो निवासबाट रेकर्ड गरिएको अन्तर्वार्तामा ट्रम्पले आफूलाई पदमा रहिरहने विचार गर्न मानिसहरूबाट धेरै ‘अनुरोध’ आएको दाबी गरे। ‘धेरै मानिसहरू चाहन्छन् कि म यो गरूँ,” ट्रम्पले भने ।
उनले उपराष्ट्रपति जेडी भान्स र विदेशमन्त्री मार्को रुबियो लगायत आफ्नो ठाउँ लिन सक्ने धेरै रिपब्लिकनहरूको सूची पेस गरे। संविधानको २२ औँ संशोधनले ‘कुनै पनि व्यक्ति दुई पटकभन्दा बढी राष्ट्रपतिको पदमा निर्वाचित हुन पाउने छैन’ भनी उल्लेख गरेको छ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया