काठमाडौँ । फिल्म ‘ज्वाइँ साब’ युरोपेली मुलुक माल्टामा प्रदर्शन हुने भएको छ । फिल्म आगामी २१ डिसेम्बरमा माल्टाको ग्यालेरिया सिनेमा हलमा प्रदर्शन हुन लागेको निर्देशक वसन्त निरौलाले बताए ।
जितु नेपालको मुख्य भूमिका रहेको फिल्म नेपालमा गत दसैँमा रिलिज भएको थियो । फिल्मको माल्टा प्रदर्शन व्यवस्थापन मग्वार्ट प्रडक्सनले गरेको हो । प्रडक्सनका संयोजक गणेश लामिछानेले फिल्मका लागि तीन टिकट लिनेलाई एक फ्रि समेत गरेको जानकारी दिए ।
नेपाली भाषा, नेपाली संस्कृति र नेपाली चलचित्रलाई माया र प्रवर्द्धन गरौँ’ भन्ने उद्देश्यका साथ स्थापना भएको मग्वार्ट प्रडक्सनले माल्टामा विभिन्न नेपाली फिल्म प्रदर्शन गर्दै आएको छ । वसन्त निरौला निर्देशित फिल्ममा जितुका अलवा नीति शाह, बुद्धि तामाङ, हिमेश पन्त लगायतका कलाकारको अभिनय छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया