काठमाडौँ । काठमाडौँको मैतीदेवीमा सञ्चालित गोल्ड माइन कन्सल्टेन्सीका सञ्चालकलाई प्रहरीले पक्राउ गरेको छ । काठमाडौँको बालुवाटार घर भएकी कन्सल्टेन्सी सञ्चालिका मञ्जु रानामगरलाई पक्राउ गरिएको उपत्यका अपराध अनुसन्धान कार्यालयका एसपी रविन्द्र रेग्मीले बताएका छन् ।
पक्राउ पर्नेमा उनलाई सहयोग गर्ने ओखलढुंगाको खिजिदेम्बा गाउँपालिका घर भएकी ३८ वर्षीया तिर्थमाया कार्की पनि छन् ।
कन्सल्टेन्सी सञ्चालिका मञ्जुले चेक रिपब्लिक र सर्बिया पठाउँछु भनेर १ करोड ३६ लाख रकम ठगेको प्रहरीको अनुसन्धान निष्कर्ष छ । मञ्जुविरुद्ध १७ जना पीडितले जाहेरी दिएका छन् ।
तिर्थमायाले ४ जना पीडितबाट २४ लाख लिएर फरार भएकी थिइन् । मन्जु राना मगर मार्फत विदेश पठाउने भनेर रकम असुल गरेको उनले प्रहरीसँग बताएकी छन् ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया