काठमाडौं । भारतको मुम्बई प्रहरीले हुक्का पार्लरमा छापा मारेर स्ट्यान्ड-अप कमेडियन तथा टेलिभिजन रियालिटी शो ‘बिग बोस १७’ का विजेता मुनव्वर फारुकीसहित १३ जनालाई पक्राउ गरेको छ । यी सबैजना विरुद्ध मुद्दा पनि दर्ता भएको छ ।
फारुकी बिग बोसको पछिल्लो सिजनका विजेता समेत हुन् । फोर्ट क्षेत्रको होटल सबलान हुक्का पार्लरमा सुर्तीजन्य पदार्थ सेवन भइरहेको जानकारी प्राप्त भएपछि प्रहरीले छापा मारेको थियो ।
अवैध रुपमा चल्ने यो हुक्का पार्लरमा प्रहरीले छापा मारेर ४ हजार ४ सय भारु नगद र ५ सय भारु बराबरको ९ थान हुक्का बरामद गरेको थियो । चुरोट र अन्य तम्बाकु उत्पादन ऐनको धाराअन्तर्गत मुद्दा दर्ता गरिएको छ ।
मुनव्वरको नाम कुनै विवादमा जोडिएको यो भने पहिलोपटक होइन । सन् २०२१ मा उनीमाथि धार्मिक भावना भड्काएको आरोप लागेको थियो ।
उनले आफ्नो एक स्ट्यान्डअप कार्यक्रममा हिन्दू देवता र देवीको बारेमा विवादास्पद टिप्पणी गरेको भन्दै आलोचना भएको थियो । उनीविरुद्ध धेरै राज्यमा एफआईआर पनि दर्ता भएको थियो । त्यसबेला उनी ३७ दिन हिरासतमा बसेका थिए ।
विवादमा आएपछि मुनव्वरले पहिलो पटक सन् २०२२ मा कंगना रनौतको रियालिटी शो ‘लक अप’ मा भाग लिएका थिए । उनी उक्त सिजन १ को विजेता पनि थिए ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया