काठमाडौँ । उपभोक्ता ठग्ने तीन वटा व्यापारिक फर्मलाई वाणिज्य, आपूर्ति तथा उपभोक्ता संरक्षण विभागले २ लाख २० हजार रुपैयाँ जरिवाना तिराएको छ । विभागले गरेको बजार अनुगमनका क्रममा उपभोक्तालाई विभिन्न बाहानमा ठगेको पाइएपछि कारबाही गरिएको हो ।
विभागका प्रवक्ता आनन्दराज पोखरेलका अनुसार १७ वटा पसलमा अनुगमन गर्दा कारबाही गर्नुपर्ने तीन वटा भेटिएका थिए । ती पसललेले बिलबिजक नराखेको पाइएको थियो । यस क्रममा बानेश्वरको सिलाई सम्बन्धी पसललाई १० हजार जरिवाना तिराइएको छ ।
यसबाहेक, कलङ्कीको एक पसललाई समेत १० हजार तिराइएको विभागले जनाएको छ । यो पसलले समेत बिलबिजक नराखेको पाइएको विभागका प्रवक्ता पोखरेलले जानकारी दिए । यसैगरी, चन्द्रागिरीको एक पसललाई समेत २ लाख जरिवाना तिराइएको विभागले जनाएको छ ।
यो पसलले समेत खरिद बिल बिजक राख्नुपर्नेमा नराखेको पाइएको थियो । विभागले हिजो मंगलबार उपत्यकाका १७ वटा पसलमा अनुगमन गरेको थियो । आर्थिक कारबाही गरिएकामध्ये अधिकांशलाई सामान्य निर्देशन दिइएको छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया