काठमाडौँ। पन्जाब र हरियाणाको शम्भु नाकामा आन्दोलन गरिरहेका एक किसानको हृदयघातका कारण मृत्यु भएको छ । बीबीसी हिन्दीका अनुसार ज्ञान सिंहको मृत्यु भएको हो ।
अस्पतालका अनुसार मृतकलाई हृदयघात भएको थियो । ‘हामीले उपचार सुरु गर्यौँ तर दुर्भाग्यवश बचाउन सकेनौँ,’ पटियालाका राजिंदर अस्पतालका डाक्टरले भनेका छन् ।
किसान नेता सर्वन सिंह पन्धेरका अनुसार मृतक मजदूर संघर्ष समिति पञ्जाबसँग आबद्ध थिए । ‘मृत्युको कारण हृदयघात हो, बाँकी पोष्टमार्टमपछि खुल्नेछ,’ पत्रकारसँग कुरा गर्दै पन्धेरले भने । ‘यसको कारण केन्द्र सरकार हो, यहाँ यति धेरै मानिसहरू छन्, वृद्धवृद्धा छन् । उचित उपचारमा, उठ्न, सुत्न, नुहाई-धुवाई सबै चिजमा समस्या भइरहेको छ । आन्दोलन लामो समयसम्म चल्छ, हामीलाई लाग्छ कि अझै धेरै मानिसहरु शहीद हुनेछन्, सरकारले हाम्रा माग स्वीकार गरेर समस्या समाधान गर्नुपर्छ,’ उनले भने । शुक्रबार शम्भु नाकामा किसानहरुको प्रदर्शनको चौथो दिन हो ।
गए राति किसान नेता र केन्द्र सरकारका मन्त्रीहरूबिचको वार्तामा कुनै समाधान हुन सकेन । ‘हामीले किसानका माग सुनेका छौँ, अब आइतबार किसानसँग वार्ता हुनेछ,’ रातिको वार्तापछि केन्द्रीय कृषिमन्त्री अर्जुन मुण्डाले भनेका थिए ।
नाकामा किसान र सुरक्षाकर्मीबिच पटकपटक झडप भइसकेको छ । किसानलाई रोक्न सुरक्षा बलले अश्रुग्यास समेत प्रहार गरेको छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया