काठमाडौँ। मेटा मातहतको मेसेजिंग एप ह्वाट्सएपको लोकप्रियता जगजाहेरै छ ।
विश्वमा ह्वाट्सएपका प्रयोगकर्ताको संख्या करिब ३ अर्ब हुनुले नै यसको पुष्टि गर्दछ । प्लाटर्फमको लोकप्रियतासँगै ह्वाट्सएपले प्रयोगकर्ताका लागि लगातार नयाँ फिचर्स तथा सुविधाहरु थप गर्ने गरेको छ ।
यो वर्ष सन् २०२३ मा पनि ह्वाट्सएपले विभिन्न गज्जबका नयाँ फिचर ल्याएको छ । जसमध्ये मुख्य फिचरहरु यी हुन् :
सेक्रेट कोड फिचर
ह्वाट्सएपको सेक्रेट कोड फिचरको सहयोगबाट प्रयोगकर्ताले आफ्ना लक गरिएको च्याटलाई अझै धेरै सुरक्षित बनाउन सक्दछन् ।
लक्ड च्याट खोल्नका लागि चार अंकको कोड हाल्नु पर्दछ । त्यो विशेष कोड केवल सम्बन्धित ह्वाट्सएप अकाउन्टवालालाई मात्र प्राप्त हुन्छ । जसका कारण तपाईंका अलावा दोस्रो व्यक्तिले तपाइाको ह्वाट्सएपका च्याट खोल्न सक्दैन ।
च्याट लकबाट गोप्य च्याट लुकाउनुहोस्
ह्वाट्सएपमा केही व्यक्तिगत तथा गोप्य च्याट पनि हुन्छन् जसलाई हामी प्रायः अन्य व्यक्तिबाट लुकाउन चाहन्छौं । यसका लागि तपाईंले कुनै पनि च्याटलाई लक गर्न सक्नुहुन्छ । त्यसपछि पासकोड, फेस अथेन्टिकेसन, फिंगरपि्रन्ट आदिबाट मात्रै त्यसलाई खोल्न सकिन्छ ।
पिन मेसेज फिचर
ह्वाट्सएपमा कुनै पनि एउटा च्याट वा ग्रुपलाई पिन गर्ने विकल्प उपलब्ध छ । यसको मद्दतले च्याटलाई सबैभन्दा माथि ल्याउनका लागि पिन गर्न सकिन्छ ।
ह्वाट्सएपको मिन मेसेज फिचरको सहयोगमा प्रयोगकर्ताले आफ्ना कुनै मेसेज, फोटो तथा भिडियो पिन गर्न सक्नुहुन्छ ।
इडिट मेसेजको अप्सन
ह्वाट्सएपले यो वर्ष मेसेज सम्पादन गर्ने फिचर पनि जारी गरेको छ जुन निकै खास छ । कहिलेकाही कसैलाई पठाएका मेसेजमा पनि केही त्रुटि भएको हुनसक्छ । यस्तोमा प्रयोगकर्ताले सजिलैसाग त्यो प्रेषित मेसेज सच्चाउन सक्दछन् । यो ग्रुप तथा व्यक्तिगत च्याटमा पनि उपलब्ध छ ।
एचडी मेसेज पठाउनुस्
ह्वाट्सएपमा प्रयोगकर्ताको आवश्यकतालाई मध्यनजर गर्दै एचडी तस्वीरको अपडेट जारी भैसकेको छ । यो फिचरको सहयोगमा प्रयोगकर्ताले तस्वीरको गुणस्तर कम नगरिकनै High Definition तस्वीर पठाउन सक्दछन् ।
नचिनेका फोन कललाई चुप लगाउने
ह्वाट्सएपमा विभिन्न अज्ञात नम्बरहरुबाट पनि कल आउँछन् र कतिपय त्यस्ता कदहरु साइबर ठगहरुले समेत प्रयोग गरेका हुन्छन् । त्यसैले साइबर ठगीबाट बााच्न तथा त्यस्ता अज्ञात फोनकलहरुले दिने दिक्दारीबाट ढुक्क हुनका लागि ह्वाट्सएपले Silence Unknown Calls फिचर ल्याएको छ ।
ह्वाट्सएप च्यानल फिचर
ह्वाट्सएपले यही वर्ष च्यानल्स फिचर पनि जारी गरेको छ, जुन निकै चर्चामा छ । यसको सहयोगमा कुनै पनि व्यक्ति वा संस्थाले आफ्नो च्यानल तयार गर्नसक्छ । त्यसपछि उसको विवरण देख्ने मानिसले उसलाई फलो गर्न सक्दछन् ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया