काठमाडौं । कर्णाली प्रदेशले दशौं राष्ट्रिय खेलकुदका लागि प्रदेशबाट छनोटमा परेका खेलाडीलाई मासिक भत्ता दिने भएको छ ।
कर्णाली प्रदेश सरकारले दशौं राष्ट्रिय खेलकुदका लागि प्रदेश छनोटमा परेका खेलाडीलाई मासिक ५ हजार रुपैयाँ उपलब्ध गराउने निर्णय गरेको हो ।
कर्णाली प्रदेशले दशौं राष्ट्रिय खेलकुदमा दोहोरो पदक जित्ने लक्ष्य सहित तयारीलाई अघि बढाएको छ । प्रदेश सरकारले क श्रेणीमा परेका एथलेटिक्स, उसु, आइटीएफ, कराँते र तेक्वान्दो खेलका खेलाडीलाई मासिक भत्ता उपलब्ध गराउने निर्णय गरेको हो ।
कर्णाली प्रदेश खेलकुद विकास परिषद्का सदस्य सचिव विश्वमित्र सन्जयालले खेलाडीलाई दैनिक प्रशिक्षणमा सहयोग पुर्याउने उद्धेश्यले खाजा खर्च स्वरुप भत्ताको व्यवस्था गरेको बताए ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया