काठमाडौं । नेपाल शिक्षक महासंघ सदनमा दर्ता भएको शिक्षासम्बन्धी विधेयकप्रति आपत्ती जनाउँदै आन्दोलित भएको छ ।
महांसघले संसदमा दर्ता भएको विद्यालय शिक्षासम्बन्धी कानुनलाई संशोधन र एकीकरण गर्ने बनेको विधेयक २०८० शिक्षकहरूको हकहित विपरीत भएको भन्दै काठमाडौंको माइतीघरमा प्रदर्शन गरेको हो ।
देशभरबाट विद्यालय नै बन्द गरेर काठमाडौं आएका शिक्षकहरू माइतीघरमा भेला भइ प्रदर्शनमा उत्रिएका हुन् । उनीहरूले विभिन्न माग लेखिएका प्लेकार्डहरु पनि बोकेका छन् ।
निजी विद्यालयका शिक्षकलाई पालिकाले तोकेअनुसार नभइ सार्वजनिक विद्यालयका शिक्षक सरह तलब सुविधान दिनुपर्ने उनीहरूको माग छ ।
महासंघले पालिकामा नभइ शिक्षक दरबन्दी संघमा नै राख्न माग गरेको छ । शिक्षकहरूको प्रदर्शनका कारण सो सडक खण्डको ट्राफिक अस्तव्यस्त बनेको छ ।
विधेयक संशोधन नभएसम्म काममा नर्फकिने उनीहरूले चेतावनी दिएका छन् । नेपालमा हाल सार्वजनिक र निजी गरी ३४ हजार विद्यालय सञ्चालनमा रहेका छन् ।
प्रतिक्रिया