• आज :

ताजा अपडेट

ट्रेन्डिङ शिर्षक

  • News Portal

    • आज :
    विजनेश

    सुनको भाउ आज २ सयले बढ्यो, चाँदीको भाउ भने घट्यो

    2K
    SHARES

    काठमाण्डाै । सुनको भाउ आज दुई सय रुपैयाँले बढेको छ ।

    आज सुनको भाउ तोलामा एक लाख ९ हजार ६ सय रुपैयाँमा कारोबार भइरहेको नेपाल सुन चाँदी व्यवसायी महासङ्घले जनाएको छ ।

    आज चाँदीको भाउ भने तोलामा १० रुपैयाँले घटेर एक हजार तीन सय ६० रुपैयाँमा किनबेच भइरहेको छ ।

    यस्तै, भगवती हाइड्रोपावर डेभलपमेन्ट कम्पनीले आगामी असार २४ गतेबाट प्रिमियममा आईपीओ बिक्री खुला गर्ने भएको छ । कम्पनीले पहिलो चरणमा वैदेशिक रोजगारीमा रहेका नेपाली र आयोजना प्रभावित स्थानीयका लागि आईपीओ बिक्री खुला गर्न लागेको हो । कम्पनीले १ सय अंकित दरमा १६ रुपैयाँ प्रिमियम थपेर प्रतिकित्ता १ सय १६ रुपैयाँ आईपीओ जारी गर्न लागेको हो ।

    कम्पनीले वैदेशिक रोजगारीमा रहेका नेपालीका लागि सर्वसाधारण जारी हुने कुल ८ लाख ५८ हजार ९७ कित्तामध्ये १० प्रतिशतले हुन आउने ८५ हजार ८ सय १० कित्ता जारी गरेको हो । यसमा उनीहरुले न्यूनतम १० कित्तादेखि अधिकतममा ५ हजार कित्तासम्म आवेदन दिन पाउने छन् ।

    त्यसैगरी, कम्पनीले आयोजना प्रभावित स्थानीयका लागि जारीपुँजीको १० प्रतिशतले हुन आउने ५ लाख ७२ हजार ६५ कित्ता आईपीओ बिक्री खुला गर्नेछ । यो आईपीओमा पोखरा महानगरपालिकाको वडा नं. १३, १४, २६ र २७ का स्थानीयले आवेदन दिन पाउनेछन् ।

    स्थानीय न्यूनतम १० कित्तादेखि अधिकतममा ५ हजार कित्तासम्मका लागि आवेदन दिन सकिनेछ । उनीहरुले साउन ७ गतेसम्म आवेदन दिन पाउनेछन् ।

    मागबमोजिम आवेदन नपरेको खण्डमा आवेदन दिने म्याद साउन २२ गतेसम्म लम्बिन सक्छ । वैदेशिक रोजगारीमा रहेका नेपालीहरुले आवेदन दिने अन्तिम म्याद भने साउन ७ गतेसम्म तोकिएको छ ।

      
    सञ्चारकेन्द्र
    [email protected]

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ