काठमाडौँ। जागिरका लागि विभिन्न संघसंस्थामा अन्तर्वार्ता दिन जाँदा प्रायः अपरिचित व्यक्ति नै भेटिन्छन् तर अमेरिकामा एक जना युवती अन्तर्वार्ता दिन जाँदा अन्तर्वार्ता लिने व्यक्ति पूर्व प्रेमी रहेको पाइयो ।
अमेरिकाको अस्टिन सिटीकी युवती रेली जोएट अन्तर्वार्ताका लागि जाँदा ६ वर्ष पहिला आफूले छाडेका पूर्व प्रेमी अन्तर्वार्ता लिन बसिरहेको देखिन् । उनले सामाजिक सञ्जालमा आफ्नो भोगाइ बताएकी छन् ।
उनलाई रोजगारीको धेरै आवश्यकता थियो । त्यसैले उनले अन्तर्वार्ता बीचमै छाड्न सकिनन् । अन्तर्वार्तामा उनी पास भइन् तर उनले त्यहाँ काम गरिनन् ।
आफैंले छाडेको पूर्व प्रेमी नेतृत्वको कार्यालयमा काम गर्न उनलाई मन परेन । त्यसैले उनले त्यो कार्यालयमा काम गरिनन् । अहिले उनी अन्यत्रै जागिर गरिरहेकी छन् ।
उनी १९ वर्षीया हुँदा पूर्व प्रेमीसँग भेट भएको थियो । दुवैको सम्बन्ध ६ वर्ष रह्यो । उनले २५ वर्षीय हुँदा प्रेमीलाई छाडेर अगाडि बढेकी थिइन्।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया