काठमाडौं । पृथ्वी राजमार्गअन्तर्गत पर्ने धादिङको गजुरी गाउँपालिका–५ गलौदी सडकखण्ड शनिबार अपराह्नपछि सञ्चालनमा आउने सम्भावना देखिएको छ ।
त्रिशूली नदीको कटानमा परी भाँसिएको सडक अवस्था सामान्य रहे अपरान्हदेखि सुचारु हुने सडक विभागले जनाएको छ ।
‘स्थानीय निकायसँग छलफल भई ‘ब्याक कटिङ’को कार्य सुरु गरिएको छ,’ सडक विभागले सामाजिक सञ्जाल फेसकुबमार्फत सूचना जारी गर्दै भनेको छ, ‘सम्पूर्ण अवस्था सामान्य रहे करिब ८ घन्टा (अपरान्ह ४ बजे) मा यातायात सुचारू हुनेछ ।’
सूचनामा यसअघि स्थानीय निकायबाट अवरोध भएका कारण ‘ब्याक कटिङ’को काममा सुरू गर्न नसकिएको पनि उल्लेख छ । पृथ्वी राजमार्गको गलौदी (गजुरी नजिक काठमाडौंतर्फ) मा सडक भासिएकोले पृथ्वी राजमार्ग अबरुद्ध भएको छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया