काठमाडौँ । नेकपाका सांसद प्रमेश हमालले प्रधानमन्त्री बालेन्द्र शाहले सीमासम्बन्धी दिएको अभिव्यक्ति फिर्ता लिनुपर्ने बताएका छन् । मंगलबारको प्रतिनिधि सभा बैठक सुरु हुनेवित्तिकै प्रधानमन्त्रीको उक्त अभिव्यक्तिको प्रतिपक्षी सांसदहरू उठेर विरोध गरेका थिए ।
प्रतिपक्षी सांसदहरूले विरोध गरेपछि सभामुख डीपी अर्यालले नेकपाका सांसद हमाललाई बोल्न समय दिएका थिए ।
सभामुखले समय दिएपछि हमालले प्रधानमन्त्रीको अभिव्यक्तिप्रति आफूहरूको विरोध कायमै रहेको भन्दै उक्त अभिव्यक्तिबारे सभामुखले जवाफका लागि प्रधानमन्त्रीलाई रुलिङ गर्न माग गरे । साथै उनले प्रधानमन्त्रीको उक्त अभिव्यक्ति रेकर्डबाट हटाउन माग गरे ।
त्यस्तै उनले पराराष्ट्रमन्त्री चीन भ्रमणमा रहेका बेला लिपुलेकबारे त्यहाँ कुरा भयो कि भएन भनेर प्रश्न गरे । साथै उनले दार्चुलामा भारतीय सेनाको हेलिकोप्टर अनुमति विनै उडेको, नेपाली चिया उद्योग बन्द भएको लगायतका विषयमा सरकारले कूटनीतिक माध्यममार्फत समस्याहरू समाधान गर्नुपर्ने बताए । अर्का सांसद टुकाभद्र हमालले पनि प्रधानमन्त्रीको विवादित अभिव्यक्तिबारे संसदमा जवाफ दिन माग गरिन् ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया