काठमाडौँ । भन्सारबाट पहिलो पटक हेलिकप्टर आयात भएको छ । तातोपानी भन्सारबाट पहिलोपटक आयात भएको ट्रान्स सिल्कका तातोपानी भन्सार प्रमुख अनिरुद्र थापाले बताए ।
उनकाअनुसार माउन्टेन हेलिकप्टरर्स कम्पनीले चीनबाट खरिद गरेर उक्त हेलिकप्टर आयात गरेको हो। ‘बाइ रोड कन्टेनरमा ल्याएको हो।’ उनले भने,‘हाम्रो टेरिटोरीमा छिरेको हिजो हो।’
अहिले भन्सारको प्रक्रियामा रहेकाे र भन्सार प्रक्रिया पुरा गरेपछि एक/दुई दिनमा उडाएर काठमाडौँ लैजाने तयारी भइरहेको उनले बताए । उक्त हेलिकप्टरको भन्सार चार करोडभन्दा बढी पर्ने उनको भनाइ छ ।
‘अब ठ्याक्कै कति मूल्य त मैले पनि त्यो प्रज्ञापन पत्र हेरेको छैन,’ उनले भने,‘तर भन्सार टेन्टेटीभली चार करोड प्लस हुन्छ भन्ने सुनेको छु।’ आयतकर्ता कम्पनी माउन्टेन हेलिकप्टर्सका रामचन्द्र भुसालले सम्भवतः नेपालमा पहिलो पटक सतह मार्गबाट हेलिकप्टर आयात भएको बताए।
भुसालका अनुसार यो एयर बस कम्पनीको हो । यो पर्यटन प्रयोजनकै लागि ल्याइएको हेलिकप्टर हो । चीनमा एयर बस कम्पनीको प्लान्ट तियाजिन सहरमा रहेको छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया