काठमाडौँ । पाकिस्तानी ओलम्पिक कमिटीका अध्यक्ष आरिफ सइदले १४औँ दक्षिण एसियाली खेलकुद (साग) को आयोजनाका लागि बैठक बोलाएका छन् ।
उनले फेब्रुवरी २५ र २६ मा लाहोरमा बैठक बोलाएका हुन् । पाकिस्तानले अबको दक्षिण एसियाली खेलकुदको आयोजना गर्ने पूर्व सहमति अनुसार तयारी बैठक बोलाइएको नेपाल ओलम्पिक कमिटीले जनाएको छ ।
कमिटीका कार्यकारी सचिव सुजन लाल श्रेष्ठले बिहीबार जारी गरेको विज्ञप्तिमा बैठकमा प्रतियोगिताको आयोजना मिति, समावेश हुने खेल तथा आयोजना स्थलबारे छलफल हुने उल्लेख छ । त्यस अवसरमा सहभागीलाई सम्भावित खेल स्थलको भ्रमण पनि गराइने छ । बैठकमा प्रतियोगितालाई लिएर आवश्यक थप विविध विषयमा पनि छलफल हुने उनले बताए ।
सन् २०१९ मा नेपालमा १३ औँ दक्षिण एसियाली खेलकुदको आयोजना भएको थियो । त्यति बेला पाकिस्तानी ओलम्पिक कमिटीका तत्कालीन अध्यक्ष जनरल आरिफ हुसेनलाई नेपाल ओलम्पिक कमिटीका अध्यक्ष जीवनराम श्रेष्ठले झण्डा हस्तान्तरण गरेका थिए ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया