काठमाडौँ। चीनमा कर्पाेरेट क्षेत्रको आकर्षक जागिर छोडेर सुँगुर फार्ममा काम गर्न थालेकी २६ वर्षकी एक महिला यत्तिखेर सामाजिक सञ्जालमा चर्चित बनेकी छिन् । ९ देखि ५ सम्मको जागिर आफुलाई चित्त नबुझुएकोभन्दै ती महिलाले जागिर छाडेकी हुन् ।
युनान प्रान्तकी झोउ थरकी ती महिलाले मुख्य विषय साहित्य लिएर स्नातक गरेकी छिन् । तर विगत तीन वर्षदेखि उनी मासिक ६ हजार युआन तलबमा सुँगुरको फारममा काम गरिरहेकी छिन् ।
पहिलाको जागिर छोडेकोमा उनलाई कुनै पछुतो पनि छैन । ‘अब म खुशी छु किनभने म आफ्नै मर्जीको जीवन बिताइरहेको छु,’ झोउले भनेकी छिन् ।
साउथ चाइना मर्निङ पोस्टमा छापिएको एउटा समाचारका अनुसार दक्षिणपश्चिमी चीनको युनान प्रान्तमा बस्दै आएकी झोउ एक कम्पनीमा राम्रो सेवा सुविधामा काम गरिरहेकी थिइन् ।
तर उनलाई काममा रमाइलो लागिरहेको थिएन । एक दिन उनले राजीनामा दिइन् । तर घरमा बस्दा बस्दा उनलाई दिक्क लाग्न थाल्यो । केही समय उनले खेतबारीमा पनि काम गरिन् । एक साथीले उनलाई सुँगुर फारममा काम गर्न सल्लाह दिए । सुरुमा त उनी हिच्किचाइन् । उनलाई यो काम राम्रो लागेको थिएन ।
पछि यही काम गर्ने प्रण लिइन् । यस काममा उनले परिवारको साथ र सहयोग पाइनन् । काम पनि सहज थिएन । सुँगुरहरू फोहोरी पशु हुन् । फोहोरमा बस्न मन पराउँछन् । तर उनले हार मानिनन् ।
अहिले उनी सामाजिक सञ्जाल सेन्सेशन बनेकी छिन् । धेरैले उनलाई रोल मोडल भन्न थालेका छन् । झोउको भिडियो भाइरल हुन थाल्यो । झोउको यो कदमबाट प्रेरणा लिएर जागिर छोडी आफ्नै काम गर्नेहरू पनि छन् । सर्वत्र उनको प्रशंसा भइरहेको छ । झोउ आफैं सुँगुरहरूलाई खाना खुवाउँछिन् । सुँई लगाइदिन्छिन् । सुँगुरनीलाई सुत्केरी पन गराउँछिन् ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया