जापानको लक्जरी आइसक्रिम ब्रान्ड सेलाटो विश्वको सर्वाधिक महँगो आइसक्रिम बनेको छ । गिनिज बुक अफ वर्ल्ड रेकर्डले यो आइसक्रिमलाई विश्वको सबैभन्दा महँगो आइक्रिमको उपाधि दिएको हो ।
यो महँगो पनि यति सम्म छ कि १ सय ३० एमएल आइक्रिमको मूल्य ६,७ सय डलर अर्थात् ८ लाख ५० हजार रुपैयाँ पर्छ ।
सेलाटोको ब्याकुया नामको आइसक्रिमलाई गिनिज रेकर्डले अप्रिल २५ तारिखमा विश्वकै महँगो आइक्रिमको उपाधि दिएको हो । प्रोटिनले भरपुर यो आइसक्रिमको बेसमा दूधले बनाइएको नरम मखमली पत्र हुन्छ । यसमा दुई प्रकारको चिजलगायत अण्डाको पहेँलो भाग पनि मिश्रण गरिएको छ ।
यसका साथै यसलाई पर्मिगियानो चिज, ह्वाइट ट्रफल, ट्रफल ओइल र सुनको पातले टपिङ गरिएको हुन्छ । कम्पनीका अनुसार उच्च कोटीको यो आइसक्रिम हल्का गुलियो छ, स्वाद निकै जटिल छ र यसको टेक्सचर निकै लक्जरियस र स्मुद छ । यसलाई कालो बक्सले निकै उत्कृष्ट तरिकाले प्याकसमेत गरिएको छ ।
यो बक्समा हातले बनाइएको काँचको चम्चा पनि छ । क्योटो फुसिमास्थित टेकुइची क्राफ्ट्समेनले मन्दिर र गुम्बा बनाउन प्रयोग गरिने सामग्री राखेर यो चम्चा बनाएका छन् । सेलाटो वेबसाइटमा १३० मिलिलिटर ब्याकुया आइसक्रिमको मूल्य ८,८०,००० येन (६,७०० डलर) तोकिएको छ ।
कतै यो चम्चाका कारण त आइसक्रिम महँगो भएको होइन भनेर धेरैले अनुमान पनि गरेका छन् तर गिनिज बुक अफ वर्ल्ड रेकर्डले आधिकारिक मूल्यमा उक्त चम्चाको मूल्य समावेश नगरिएको स्पष्ट पारेको छ ।
खासमा आइसक्रिम बनाउन प्रयोग गरिएको ह्वाइट ट्रफल अल्बा, इटालीबाट आयात गरिएको छ । उच्च गुणस्तरको हुने भएकोले यसको मूल्य पनि उच्च नै भएको जानकारीमा उल्लेख छ र
सेलाटोले खानुभन्दा अघि आइसक्रिमलाई थोरै नरम हुन दिन सल्लाह दिएको छ । त्यहाँ दिइएको चम्चाले आइसक्रिम सजिलै आउने भएपछि त्यसलाई ट्रफल ओइलसँग मिसाएर खाँदा यसको स्वाद असाध्यै मिठो हुने कम्पनीले बताएको छ । जापानको यो आइसक्रिम मेकरले ब्याकुयालाई अलि पुरानो ह्वाइट वाइनसँग खान पनि सुझाइएको छ ।
ब्याकुया आइसक्रिमको म्याद कहिल्यै सकिँदैन तर यदि तपाईं १३० एमएलको लागि ६,७०० डलर खर्च गर्न सक्नुहुन्छ भने सेलाटोले यसलाई १० दिनभित्रै खान सल्लाह दिएको छ । १० दिन भित्र खाँदा आइसक्रिमको स्वाद र टेक्सचरको पूर्ण मज्जा लिन सकिने कम्पनीले बताएको छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया