काठमाडौं । नागरिक बचाउ महाअभियानका संयोजक दुर्गा प्रसाईंले गृहमन्त्रीसँग वार्ताका लागि समय मागेपछि गृह मन्त्रालयले कात्तिक २६ गते बिहान १० बजेका लागि समय उपलब्ध गराएको छ। प्रसाईंले जिल्ला प्रशासन कार्यालय काठमाडौंमार्फत करिब १० दिनअघि वार्ताका लागि समय मागेका थिए।
गृह मन्त्रालयका सहसचिव एवं प्रवक्ता आनन्द काफ्लेले नेपाल प्रेसलाई जानकारी दिँदै भने, “दुर्गा प्रसाईंको संस्थाले करिब १० दिनअघि जिल्ला प्रशासन कार्यालय काठमाडौंमार्फत सरकारसँग वार्ताका लागि समय मागेको थियो। मन्त्रालयले कात्तिक २६ गते बिहान १० बजे वार्ता गर्ने गरी समय दिइएको छ।”
नागरिक बचाउ महाअभियानको स्थापना सामाजिक न्याय, नागरिक सुरक्षा र कानूनको कार्यान्वयनमा जनसहभागिता बढाउने उद्देश्यले भएको हो। संस्थाले विगत केही महिनादेखि सार्वजनिक हितका मुद्दाहरूमा सरकारसँग संवाद र सहकार्यको माग गर्दै आएको बताएको छ।
यो वार्ता सरकार र नागरिक समूहबीचको पहिलो प्रत्यक्ष संवाद हुने भएकाले यसमा समस्या समाधानका सम्भावित कदमहरू, नागरिक सुरक्षा, प्रशासनिक पारदर्शिता र कानुनी कार्यान्वयनका विषयहरूमा छलफल हुने अपेक्षा गरिएको छ। प्रसाईंले पनि यसअघि पत्र मार्फत वार्ताका लागि अनुरोध गरेका थिए।
उनले आफ्नो निवेदनमा हालको सामाजिक र प्रशासनिक चुनौतीहरू बारे सरकारसँग प्रत्यक्ष संवाद गर्न इच्छा व्यक्त गरेका थिए। वार्ता सफल भएमा यसले आगामी दिनमा सरकारी नीतिमा सुधार र नागरिक सहभागिता बढाउने दिशामा मद्दत पुग्ने विज्ञहरूले बताएका छन्।
गृह मन्त्रालयले पनि वार्तालाई सुचारु ढंगले सम्पन्न गर्ने प्रतिवद्धता जनाएको छ। मन्त्रालयले यसअघि पनि विभिन्न नागरिक समूहहरूसँग संवाद गर्दै समस्या समाधानको प्रयास गर्दै आएको थियो। यो वार्ता कात्तिक २६ गते मन्त्रालयमा निर्धारित समय अनुसार हुनेछ र त्यसपछि वार्ताका निष्कर्षहरू सार्वजनिक गरिने अपेक्षा गरिएको छ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया