काठमाडौं । नेकपा एकीकृत समाजवादीका सम्मानित नेता झलनाथ खनाल अन्ततः प्रचण्ड–माधव पक्षमा सामेल भएका छन्। उनी आज बिहान भृकुटीमण्डपमा जारी नेकपा माओवादी लगायत ९ दलको एकता सभामा सहभागी भएका हुन्।
खनालले केही समयअघि माओवादीसँग एकता गर्ने निर्णयमा असहमति जनाउँदै आफ्नै नेतृत्वमा पार्टी पुनर्गठन गर्ने घोषणा गरेका थिए। तर, एकता सभा हुनुअघि प्रचण्ड र माधव नेपालसँग भएको वार्तापछि उनले अन्ततः सहमति जनाए। महासचिव घनश्याम भुसाल पनि वार्तामा सहभागी भए, तर उनी एकता प्रक्रियामा आउन राजी भएनन्।
विशेष जानकारी अनुसार, खनालले हिजो साँझ गुण्डु पुगेर एमाले अध्यक्ष केपी ओलीलाई पनि भेटेका थिए। उनका सहभागीता सँगै पार्टी एकताको छवि बलियो भएको विश्लेषकहरूले बताएका छन्।
सभा मार्फत सहभागी दलहरूले संयुक्त कम्युनिस्ट पार्टीको निर्माण, आगामी राजनीतिक रणनीति र साझा घोषणा गर्ने कार्यक्रम रहेको छ। खनालको सहभागिताले एकता प्रक्रियामा शंका र विभाजनको सम्भावना घटाउँदै प्रक्रिया थप मजबुत भएको बुझिएको छ।
एकता घोषणा सभा अहिले राजधानीको भृकुटीमण्डपमा जारी छ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया