काठमाडौं । अमेरिकी राज्य भर्जिनियामा भएको गभर्नर निर्वाचनमा डेमोक्र्याट पार्टीकी उम्मेदवार अबीगेल स्पानबर्गर विजयी भएकी छन्। उनी भर्जिनियाको इतिहासमै पहिलो महिला गभर्नर बनेकी हुन्। स्पानबर्गरले रिपब्लिकन नेतृ विन्सम अर्ल–सियर्सलाई पराजित गरेकी हुन्।
मंगलबार राति मतदान सम्पन्न भएपछि मतगणनाको सुरुदेखि नै उनी अग्रस्थानमा थिइन्। अन्ततः निर्णायक अग्रता कायम गर्दै उनले जित सुनिश्चित गरिन्। पूर्व सीआईए अधिकारी रहिसकेकी स्पानबर्गर तीन कार्यकालसम्म अमेरिकी कांग्रेसकी सदस्य पनि रहिसकेकी हुन्। उनी आगामी वर्ष जनवरी महिनामा पदभार ग्रहण गर्नेछिन्। यसअघि भर्जिनियामा ७४ जना पुरुष गभर्नर भइसकेका छन्।
स्पानबर्गरको चुनावी अभियान सुरुदेखि नै ट्रम्पविरोधी धारमा केन्द्रित थियो। उनले भर्जिनियालाई “ट्रम्प प्रशासनका नीतिबाट उत्पन्न अव्यवस्थाबाट जोगाउने” वाचा गरेकी थिइन्।
उनले भनेकी थिइन् — “म वासिङटनबाट आउने अव्यवस्थाबीच पनि भर्जिनियाको हितका लागि दृढ रूपमा उभिनेछु।” उनकी प्रतिस्पर्धी सियर्सले आफूलाई ट्रम्प समर्थक नेतृका रूपमा प्रस्तुत गर्ने प्रयास गरेकी थिइन्। तर, उनलाई पर्याप्त राजनीतिक समर्थन र वित्तीय सहयोग प्राप्त हुन सकेन।
अन्तिम चरणमा पूर्व राष्ट्रपति डोनाल्ड ट्रम्पले पनि सामान्य समर्थन मात्र दिएका थिए। स्पानबर्गरको यो जितले अमेरिकी राजनीतिमा डेमोक्र्याट पक्षलाई थप आत्मबल दिएको विश्लेषण गरिएको छ। यससँगै आगामी अमेरिकी राष्ट्रपति चुनावमा पनि महिला नेतृत्व र ट्रम्पविरोधी धारको प्रभाव बलियो हुँदै गएको देखिएको छ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया