काठमाडौं । नेकपाका महासचिव नेत्रविक्रम चन्द ‘विप्लव’ ले कम्युनिस्टहरूबीचको एकताको आवश्यकता अझै बढेको बताएका छन्। समाजवादी मोर्चामा आबद्ध नेकपा माओवादी र नेकपा एकीकृत समाजवादीबीच पार्टी एकताको तयारी भइरहेको बेला उनले आफ्नो पार्टीको ५ बुँदे धारणा सार्वजनिक गरेका हुन्।
विप्लव समाजवादी मोर्चाका संयोजक पनि हुन्। उनका अनुसार, एकताको लागि नेकपाका अन्य पक्षले सकारात्मक दृष्टिकोण राखे पनि अहिलेसम्म कुनै ठोस निष्कर्षमा पुग्न सकेको छैन।
विप्लवको ५ बुँदे धारणा
१. कम्युनिस्टहरूबीचको एकता आवश्यक – वर्तमान परिस्थितिमा कम्युनिस्ट एकता अझै बढेको छ।
२. एकता केवल संगठनसँग मात्र होइन – एकता भन्नाले संगठनलाई मात्र एक बनाउनु होइन; यसमा विचार, सिद्धान्त, लक्ष्य, आर्थिक दृष्टिकोण, जीवन व्यवहार र संस्कृति समेतको एकरूप बुझाइ हुनुपर्छ। यी विषयमा नेतृत्व तहमा गम्भीर छलफल चलेको भए पनि अहिलेसम्म टुङ्गो निष्कर्ष आएको छैन।
३. एकता सकारात्मक दृष्टिकोणमा लिनुपर्छ – यदि कुनै पार्टीहरूबीच एकता हुन्छ भने त्यसलाई राष्ट्र र समाजको हितमा सकारात्मक रूपले लिनुपर्छ।
४. अन्तर्विरोध समाधान र सहकार्य – कम्युनिस्टहरूबीच विगतमा जस्तो शत्रुतापूर्ण सोच नबनाई प्रधान अन्तर्विरोध हल गर्न, देशमा नेपाली विशेषताको समाजवाद (अग्राधिकार सहितको सङ्घीयता) स्थापना गर्न संयुक्त मोर्चा र सहकार्यको नीति अपनाउनु पर्छ।
५. देशको स्वाधीनता संकटमा मोर्चा आवश्यक – वर्तमान अवस्थामा देशको स्वाधीनता गम्भीर सङ्कटमा परेको छ। यस परिस्थितिमा सबै देशभक्त, समाजवादी र कम्युनिस्ट शक्तिहरूबीच मोर्चा निर्माणमा अग्रसर हुनुपर्छ।
विप्लवले दिएको यो धारणा वर्तमान राजनीतिक परिस्थितिमा नेकपा माओवादी र एकीकृत समाजवादीबीचको एकताको सम्भावनामा नयाँ बहस सुरु गरेको देखिन्छ। उनका विचारले मोर्चाको भविष्य र कम्युनिस्ट शक्ति संरचनामा असर पार्ने अपेक्षा गरिएको छ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया