काठमाडौँ । राप्रपाका युवा नेता निराजन बम रिहा भएका छन् । आइतबार दिउँसो चितवनबाट पक्राउ परेका बम साँझ रिहा भएको राप्रपा प्रवक्ता सगुन लावतीले जानकारी दिए । उनले शनिबार पूर्वप्रधानमन्त्री प्रचण्डको फोटो जलाएका थिए ।
सोही आरोपमा उनलाई मकवानपुर प्रहरीले चितवन प्रहरीको सहयोगमा काठमाडौँ फर्किने क्रममा भरतपुर विमानस्थलबाट पक्राउ गरेको थियो । उनी पक्राउ परेको खबरपछि प्रचण्डले उनलाई रिहा गरिनुपर्ने धारणा राखेका थिए ।
चितवनबाट आइतबार पक्राउ परेका बमलाई जिल्ला प्रहरी कार्यालय मकवानपुर ल्याइएको थियो । आइतबार साँझ प्रहरीले रिहा गरेका बमलाई रिहाइलगत्तै हेटौँडा-२ स्थित राप्रपा कार्यालयमा स्वागत समेत गरिएको छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया