मुगु । जिल्लाको एकमात्र रारा विमानस्थलमा एकसातापछि हवाई उडान सुचारु भएको छ । अविरल वर्षाका कारण सात दिनदेखि अवरूद्ध रहेको हवाई उडान मङ्गलबारदेखि पुनः सञ्चालनमा आएको हो ।
रारा नागरिक उड्यन कार्यालय मुगुका प्रमुख श्रीकृष्ण रिजालका अनुसार मौसममा केही सुधार भएपछि मङ्गलबार समिट र तारा एअरले उडान गरेका छन् । हवाई उडान नहुँदा यात्रुहरूलाई आउजाउ गर्न कठिनाइ भएको थियो ।
कर्णाली तथा सुदूरपश्चिम प्रदेशका हिमाली जिल्लामा विगत सात दिनदेखिको अविरल वर्षतसंगै बाक्लो हुस्सु र कुहिरोले गर्दा हवाई उडान प्रभावित बनेको थियो ।
यस्तौ, आजबाट कर्णाली राजमार्ग पनि सुचारु भएको सडक डिभिजन कार्यालय जुम्लाले जनाएको छ ।
अच्युत राज भण्डारी 
प्रतिक्रिया