काठमाडौं। राष्ट्रिय स्वतन्त्र पार्टी (रास्वपा)ले वेबसाइटबाट महामन्त्री मुकुल ढकालको नाम हटाएको छ । रास्वपाकाे केन्द्रीय समिति बैठकले ढकाललाई कारबाहीस्वरुप एक साताका लागि निलम्बन गर्ने निर्णय गरेसंगै उनकाे नाम वेबसाइटबाट हटाउकाे हाे ।
निलम्बनसँगै पार्टीको वेबसाइटमा रहेको केन्द्रीय कार्यसमितिको सूचीबाटसमेत ढकालको नाम हटाइएको र वेबसाइटमा फोटोसहित पहिलो नम्बरमा सभापति रवि लामिछाने, दोस्रोमा उपसभापति डीपी अर्याल र तेस्रोमा स्वर्णिम वाग्लेको नाम राखिएकाे छ । तर, महामन्त्रीको स्थान समेत खाली नछाडी एकैपटक सहमहामन्त्री कविन्द्र बुर्लाकोटीको नाम राखिएको छ ।
रास्वपाले पार्टी हितविपरीत गतिविधि गरेको भन्दै ढकाललाई निलम्बनको निर्णय गरेको हो । निलम्बनमा परेसँगै ढकालले ३८ जिल्ला घुमेर तयार गरेको पार्टीको हालको अवस्थाबारेको प्रतिवेदन सार्वजनिक गरिसकेका छन् ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया