काठमाडौँ। सोसल मिडिया प्लाटफर्म एक्स तथा टेस्ला र स्पेस एक्स लगायतकम्पनीका मालिक एलन मस्कले आफू एलियन भएको दाबी गरेका छन् । बेलाबेला चर्चामा आइरहने मस्कले चर्चामै रहने क्रममा यतिबेलाआफूलाई दोस्रो ग्रहको प्राणी अर्थात् एलियन बताएका हुन् ।
मस्कले एउटा अन्तरवार्ताका क्रममा आफू एलियन भएको दाबी गरेका हुन् । त्यतिमात्र होइन उनले आफू एलियन भएको सबूत प्रमाण पनि छिटै नै पेस गर्ने बताए ।
अन्तरवार्ताकारले मस्कसँग सोधेका थिए-कतिपय मानिसहरुलाई लाग्छ कि तपाईं मानिस होइन, एलियन हो ।त्यसको जवाफमा मस्कले आफू एउटा एलियन भएको र मानिसहरुलाई सोही कुरा भन्ने गरेको भएता पनि आफूमाथि कसैले पनि विश्वास नगर्ने बताएका छन् ।
एलन मस्कले यसपटक आफूलाई केवल एलियन मात्र भनेनन् सोसल मिडियामा त्यसको सबूत पनि दिने कुरा गरेका छन् । यद्यपि त्यस्तो प्रमाण उनले कहिले पेस गर्छन् ? भन्ने चाहिं खुलाएका छैनन् । त्यसैले कतिपयले त्यो केवल ठट्टा मात्र भएको पनि आशंका गरेका छन् ।
त्यतिमात्र होइन एलन मस्कले मानिस तथा आर्टिफिसियल इन्टेलिजेन्सका बरोमा पनि केही विचार व्यक्त गरेका छन् । मानिसले नै एआईलाई अर्थ र उद्देश्य प्रदान गर्ने उनको भनाइ छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया