काठमाडौँ । नेकपा एमालेका अध्यक्ष केपी शर्मा ओलीले बैठककै क्रममा केन्द्रीय सदस्यहरूलाई झपारेका छन् ।
केन्द्रीय समिति बैठकमा ओलीले सम्बोधन गर्ने क्रममा सहभागी केन्द्रीय सदस्यहरूको मोबाइलमा पटक पटक घण्टी बजेपछि अनुशासन कायम नगरेको भन्दै झपारेका उनले हुन् ।
‘मैले साथीहरूलाई यसअघि स्वीच अफमा राख्न आग्रह गरेको छु । किन मोबाइल एक छिन नहुँदा केही हुन्छ र ?’, ओलीले बैठकमा भने, ‘मसँग मोबाइल छैन त, चलेकै छ ।
कराउन दिने हो मुख बन्द नगर्ने हो भने त मेरो मोबाइल पनि कराउन जान्दछ होला नि ?’ उनले बैठकमा अनुशासन कायम नगरेको भन्दै आक्रोश व्यक्त गरे ।
‘बैठकमा मोबाइल साइलेन्स मोडमा राख्नुस् या स्वीच अफ गर्नुस्’, उनले भने, ‘हामी सबैले बैठकमा एउटा अनुशासन त राख्नुपर्छ । फोन आइराख्ने, उठाइराख्ने अनि हेलो के छ भन्दै गर्ने हो भने के हुन्छ ?’
यो कार्यलाई रोक्न भन्दै ओलीले दुई पटकसम्म केन्द्रीय सदस्यलाई च्यासलमा आयोजित बैठकमा सचेत गराएका थिए ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया