काठमाडौँ। पछिल्लो समय तनहुँ सदरमुकाम दमौलीमा डेंगुको संक्रमण बढ्दै गइरहेको छ ।
१० वटा स्थानीय तह रहेको तनहुँमा सबैभन्दा धेरै व्यास नगरपालिकामा डेंगुको बिरामी देखा परेका छन् ।
स्वास्थ्य कार्यालय तनहुँले दिएको जानकारी अनुसार बिहीबार साँझ सम्म जिल्लाभर ३ हजार ७ सय ७९ जना डेंगुबाट संक्रमित भएका छन् । जसमा व्यास नगरपालिकाका मात्रै ३ हजार २ सय ३९ जना संक्रमित भएका छन् ।
त्यस्तै शुक्लागण्डकी नगरपालिकाका १ सय ४३, भिमाद नगरपालिकाका ९७, ऋषिङ गाँउपालिकाका ७८, म्याग्दे गाँउपालिकाका ५९, भानु नगरपालिकाका ५८, आँबुखैरेनी गाँउपालिकाले ३९, बन्दिपूर गाँउपालिका २७,घिरिङ गाँउपालिकाका ७ जना र देवघाट गाँउपालिकाका ६ जना संक्रमित भएका छन् ।
हाल सम्म तनहुमा डेंगुबाट ३ जनाको ज्यान गईसकेको छ । संक्रमित हुनेमा पुरुषको तुलनामा महिला धेरै रहेका छन् ।
स्वास्थ्य कार्यालय तनहुका प्रमुख शंकरबाबु अधिकारीका अनुसार हाल सम्म संक्रमित भएका मध्ये ५३ प्रतिशत पुरुष र ४७ प्रतिशत महिला रहेका छन् । एक हजार ९ सय ९६ जना महिला संक्रमित हुदाँ १ हजार ७ सय ८९ जना पुरुष संक्रमित भएका छन् ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया