रोल्पा, ९ जेठ ।
त्रिवेणी गाउँपालिका-५ की अपांग भएकी २५ वर्षिय महिला बलात्कृत भएकी छन् ।
पूर्व माओवादी लडाकू रहेकी उनी माओवादी युद्धताका अपांग भएकी हुन् । बोल्न नसक्ने तथा हातखुट्टा नचल्ने अवस्थामा रहेकी उनलाई सोही गाउँका ५१ वर्षिय हरिप्रसाद कामीले जबर्जस्ती करणी गरेको प्रहरीको भनाई छ ।
घरमै बसिरहेको अवस्थामा अपांग महिलालाई जबर्जस्ती करणी गर्ने कामीलाई प्रहरीले पक्राउ गरी कानूनी कारबाहीका लागि जिल्ला प्रहरी कार्यालयमा ल्याइएको छ ।
जिल्ला अस्पताल, रेउघामा स्वास्थ्य परीक्षणपछि उनलाई घर पठाइएको तथा अभियुक्त कामीलाई हिरासतमा राखी थप अनुसन्धान भइरहेको छ । कामीलाई जबर्जस्ती करणीअन्तर्गत कारबाही गरिने प्रहरीले जनाएको छ ।
कमल बुढा 
प्रतिक्रिया