काठमाडौं ।अर्गानिक एशोसियसन नेपालको आयोजित ‘छैठौं प्राङगारिक कृषि मेला – २०७९’ काठमाडौंको भृकुटीमण्डपमा सम्पन्न भएको छ । अर्गानिक उत्पादनको प्रवर्द्धन गर्ने उद्देश्यले उक्त महोत्सव सुरु भएको थियो ।
अर्गानिक एशोसियसन नेपालको आयोजनामा भएको उक्त मेलाको उद्घाटन प्रधानमन्त्री पुष्पकमल दाहाल ‘ प्रचण्ड ’ ले गरेका थिए । मेलाको उद्घाटन गर्दै प्रधानमन्त्री प्रचण्डले लघु घरेलु तथा साना उद्योग दर्ता र नवीकरण गर्दा स्थानीय तहको वडा, पालिका, प्रदेश र केन्द्रमा कम्पनी रजिष्टार समेतमा कागजात र राजस्व बुझाउनुपर्ने झन्झटिलो व्यवस्था हटाउन सहजीकरण गर्ने पनि बताएका थिए ।
प्राङगारिक खेतीलाई राज्यले प्राथमिकतामा राखेको र घरेलु तथा साना उद्योगमा लगानी बढाउन सरकारले विशेष पहल गरिने भएको छ । केही दशक अघि नेपालले कृषि उपज र खाद्य वस्तु निर्यात गर्ने गरेकाले नेपाली वस्तुको प्रयोगमार्फत नेपाली हुनुमा गर्व गर्नुपर्ने र कृषिमा आधारित उद्योगको लगानीमा बढावा दीइनेवारे छलफल भएको छ ।
सरकारको नीतिबाटै साना तथा घरेलु उद्योग प्रवर्द्धन र संरक्षण गर्न आवश्यक रहेको र त्यसका लागि छुट्टै ऐन चाहिएको छ । यस्ता उद्योगमा लगानी बढाउन सरकारले विशेष व्यवस्था गर्नुपर्ने उद्योगी हरुको माग रहेको छ ।
लघु, घरेलु तथा साना उद्योगमा बैंक तथा वित्तीय संस्थाबाट प्रवाह हुने कर्जालाई सहज बनाउनका लागि सरकारले नेपाल राष्ट्र बैंकमार्फत पहल गरेको पनि जानकारी गराइएको छ । त्यस्तै यस्ता उद्योगमा प्रवाह भएको कर्जाको पुनर्संरचना र पुनरतालिकीकरणका लागि पनि राष्ट्र बैंकले कुनै ठोस निर्णय गर्नुपर्ने पनि जानकारीगराइर्को हो ।
अर्गानिक उत्पादनहरूको बारेमा आम नागरिकमा जानकारी दिँदै त्यस्ता उत्पादनको प्रवर्द्धन गरी अर्गानिक अभियानलाई टेवा पुर्याउने उत्पादक, अर्गानिक उत्पादनको बजार प्रवर्द्धन गर्ने र शुद्ध भोजन स्वास्थ्य जीवनको भन्ने जनचेतना अभिवृद्धि गर्ने लक्ष्यका बारेमा पनि छल फल भएको छ । आज सम्मका लागि संचालन भएको उक्त मेला औद्योगिक व्यापार मेलासँगै आयोजनामा भएको हो ।
चन्द्रा बुढा 
प्रतिक्रिया