काठमाण्डाै। महाशिवरात्रिका अवसरमा आज बिहान ३ बजेदेखि नै पशुपतिनाथका चारै ढोका खुलेका छन् ।
बिहान ३ बजेअघिदेखि नै भक्तजन पूजा एवम् दर्शनका लागि पशुपतिमा जम्मा भएको पशुपति क्षेत्र विकास कोष संस्कृति महाशाखा एवम् सूचना अधिकारी गौरीशङ्कर पराजुलीले जानकारी दिएका छन् ।
जयबागेश्वरीबाट लाममा लागेको आधा घण्टा र तिलगङ्गा क्षेत्रबाट लाममा लागेको ४५ मिनेटदेखि एक घण्टासम्ममा दर्शन गर्न सकिने पनि उनले बताए ।
पशुपति क्षेत्रमा बिहानदेखि हजारौँ भक्तजनको भिड रहेको छ । दर्शनार्थीलाई व्यवस्थित रुपमा दर्शन गराउन ३ हजार ५ सय सुरक्षाकर्मी र चार हजार स्वयंसेवक खटिएको कोषले जनाएको छ ।
पशुपति क्षेत्रमा स्वास्थ्य शिविरलगायतकाे पनि व्यवस्थापन गरिएको छ । पशुपतिनाथसँगै आज देशका अन्य शिवालयमा पनि भक्तजनको भिड लाग्ने गर्दछ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया