काठमाडौं । नेपाली कांग्रेसको केन्द्रीय कार्यसमिति बैठक बिहीबार दिउँसो दुई बजेबाट सुरु भएको छ। बैठक दिउँसो एक बजेका लागि बोलाइएको भए पनि करिब एक घण्टा ढिलो गरी सुरु गरिएको हो।
गत असोज २८ गतेदेखि सुरु भएको बैठक कात्तिक १ गतेदेखि बिहीबारसम्मका लागि स्थगित गरिएको थियो। अब पुनः सुरु भएको बैठकले कांग्रेसको १५औँ महाधिवेशन, सरकारले फागुन २१ गतेका लागि घोषणा गरेको प्रतिनिधिसभा निर्वाचन, प्रतिनिधिसभा विघटन र जेन–जी आन्दोलन जस्ता विषयमा संस्थागत निर्णय गर्ने तयारी गरेको नेताहरूले बताएका छन्।
केन्द्रीय सदस्य नैनसिंह महरका अनुसार बैठक केहीबेरअघि नै सुरु भएको हो। कांग्रेसभित्र अहिले नियमित महाधिवेशन गर्ने कि विशेष महाधिवेशन भन्ने विषयमा विवाद चर्किएको छ।
संस्थापन पक्षले नियमित महाधिवेशन आगामी फागुन २१ गतेका लागि तोकिएको प्रतिनिधिसभा निर्वाचनपछि गर्नुपर्ने धारणा राखेको छ भने इतर समूहले भने मंसिर महिनामै महाधिवेशन गर्नुपर्ने अडान लिएको छ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया