काठमाडौं । नेपाली कांग्रेसको केन्द्रीय समितिको बैठक दुई दिन पर सारिएको छ । असोज २६ गतेका लागि बोलाइएको बैठक अब असोज २८ गते बस्ने भएको हो ।
केन्द्रीय सदस्य श्याम घिमिरेका अनुसार कार्यसम्पादन समितिको बैठक जारी रहेकाले केन्द्रीय समितिको बैठक सारिएको हो । उनका अनुसार कार्यसम्पादन समितिमा सदस्यहरूको बोल्ने क्रम सकिए पनि केन्द्रीय समितिमा पेश गर्ने एजेन्डाबारे निर्णय गर्न आइतबार पनि बैठक बस्नेछ ।
बुधबारदेखि सुरू भएको शीर्ष नेताहरूको बैठकमा हिजोदेखि कार्यसम्पादन समितिका सदस्यहरू पनि सहभागी गराइएका थिए । हिजो र आज गरी सबै सदस्यहरूको धारणा सुन्ने क्रम सकिएको घिमिरेले जानकारी दिए ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया